Vincent Chan

Before the wedding, the iMore team was very responsive over WhatsApp, answering questions even very late into the night. They were very accommodating around various last minute requests we had.

I’m very camera shy, but Danny and Kay were great about giving direction and poses during the pre-wedding photo session.

At the banquet, the entire iMore team were extremely courteous to guests the entire (very long) night. They got out of the way of the wedding, letting everything happen naturally, but was always close by and ready to get the shot. The pictures and same-day video shown at the banquet were amazing, and I can’t wait to see the rest of the photos from the rest of the night! I wish I could bring them to Toronto for the second half of our wedding �.

There will always be hiccups on your wedding day, but you can rest assured that iMore won’t be one of them. Danny and Kay and the rest of the iMore team were professional and great the whole day!

Koey Tsang

好多謝imore一班攝影團隊令我地嘅緍禮留下左個深刻嘅印象。用5粒星黎比分真係唔夠，你地嘅專業同用心係值更高分！除左你地嘅攝影技術，就係就算遇到咩問題你地都好願意去幫忙，甚至解決問題，真係會令人感動！回想起當日，籌備結婚時，周圍睇攝影資料，問朋友意見等等！無意中睇到imore，感覺好特別！之後就同老公約時間見面！見面時，因為我地都係第一次接觸，Danny非常有耐性去講解，時間都唔短⋯⋯完左之後，我見老公無乜野講，我就話我地考慮下先！走左落到樓下我就問老公點吖？佢話 “我覺得好ok吖，不過見你話要考慮下咋！”之後我話 “下，我都係喎⋯”其實諗返起真係覺得有D好笑！其實當中我地真係好多野都唔識，多謝Danny同kay不停比意見我地！我地有問題嘅時候，無論咩時候，幾夜都好，Danny都會即刻回覆！佢好似唔洗訓教咁，哈哈！完左pre-wedding嘅時候已經好放心將big day交比你地！Big day當日辛苦你地，Danny&Kay嘅相真係影得好靚好有心機，多謝video man嘅帶領，段片先咁成功，個早拍晚播個個睇完都讚不絕口，連親友都講你呢班攝影師真係好犀利！自己聽完都開心！完左big day嘅時候真係有D唔捨得大家，好似啱啱新識嘅一班朋友咁！要感謝你地嘅說話真係講都講唔完，希望有更加多嘅新人會同我地嘅感受一樣，係無揀錯攝影師！回憶以後睇返都會令人開心！祝你地生意愈做愈大！大展鴻圖^_^

老公話 遺憾係始終未能同炮仗近距離合照！

Lillian Li

�婚禮過左幾日，宜家終於有時間，好好表達對各位的感謝，真係好多謝大家喺我同Preston婚禮當天的幫忙。
�我地果日真係好充實，好奔波。由深圳，再到上水，去到西貢，最後再尖東。其實我地一直都好擔心，但每次同Danny傾，都好似令我地食定心丸咁。因為你的專業同經驗，令我地感覺到就算再緊湊的行程同再大的挑戰，你們都可以應對。而事實都證明如此。
�Danny，你既相影得靚呢個毋庸置疑。我有個喺北京電影學院讀編導系畢業的舊同學send msg同我講"婚纱照的不难拍，整天拍，选好角度和模特姿势就好了，但是你那天婚礼整个拍的很有质感，出片率那么高，很考验摄影师水平的"。但我最欣賞你的是你的貼心和專業，每次我地whatsapp有疑問，無論幾瑣碎同幾白癡的問題，你都好快回覆我地。我記得結婚前幾日你叫我唔好緊張，交比你地。我睇到覺得好貼心，因為前果幾日我真係緊張到癡線！而估唔到外表cool cool的你也會講出這麼溫暖的說話。真係好多謝你。
�Jun，真係好慶幸由pre-wedding就搵左你同Danny幫手，而我之前就一直問你我big day你可唔可以都幫手，而你最終都可以，加埋小維，又係pre-wedding的組合，我真的覺得很完美。你一直都好用心真誠同我地相處，也成日趴曬地奮身工作。我好記得我地pre-wedding要加相既時候，因為預算問題，我地好掙扎，而你就同Danny傾可唔可以再比我地優惠少少。你呢種用心對待客人的態度，真的令人感到好溫暖。真係好多謝你。
�Timothy，多謝你在相簿排版和成長片段的製作中對我們好有耐性。我自己有時都覺得自己好煩，和三心兩意，但每次我地有修改，你都好快覆我地同幫我地做出改動。就算我地好遲先覆你或者好遲先比野你，你都好有效率地完成排版和成長片段。多謝你的付出。
�Jason，我完全感受到你好想幫我地拍一段好既早拍晚播出黎。就算我地啲演技好�，我地之間既互動唔夠浪漫甜蜜。你都好盡力去帶領我地。因為我地行程太緊湊，令到你無咩時間拍野，我完全感受到你的緊張。但最後你都製作到一段好溫馨甜蜜的短片出黎，雖然唔係好似imore其他片有啲大搞作或者好有gimmick，但呢個真誠和溫馨的效果就係我想要的。而且我好多親友都話條片拍的好好，有啲話以後結婚都要搵返你地。多謝你的用心。
�Jacky，原來你都係五迷���可惜果日無時間交流更多。果日你好辛苦，無停過，一直幫我地影合照。我感受到你係一個好認真的人。因為影合照的時候，每有新的親友上檯，你不斷重複地叫我地移動至檯中，排位，影相。其實影呢啲相都幾千篇一律，但你一直堅持排 位，相片的質素，令我印象非常深刻。五迷都是熱血有夢想的人，我相信你的認真和堅持一定會讓你喺呢條路行得更遠。
�Tony，你真的好搞笑。我都覺得你好可愛！哈哈，我仍然記得你同唔知邊個男仔從背後擁抱的畫面。多謝你全程清晰的聲音導航同仔細briefing，讓我地好清晰你們的要求，所以先可以影出靚相。多謝你。
�我同Preston祝福你地喺呢行大展鴻圖，我地相信憑你地的專業努力和用心，一定會越做越好。但希望你地越做越大的同時，不忘初心，仍能保持呢份真誠對待客人的態度，體貼客人的需要和用心攝影。因為你地做的工作真係好有意義。可能你地一年影無數對新人，但對於每一對新人，都係一生一次的難忘回憶。正如我自己呢幾日睇到條片同相，我都會不禁流淚。謝謝你地為我們婚禮記錄喜悅和幸福，謝謝你們為我們留下珍貴回憶。另外，希望各位不要工作太盡，更加要小心身體和照顧家人。加油�

Hillman Li

多謝Danny and crew members全日為我們在big day拍下難忙的回憶, 相片和影片都是超讚好的, 老婆說我今次找對人啊！當日天氣有點陰，Danny團隊準備了一枝大型強力閃燈，天氣完全不成問題！兄弟說我們有支大燈好型仔。
還有多謝Timothy幫我們預備成長片段，老婆家人覺得效果好好
另一位攝影師Tony做得好好，gentle得來又能按排好賓客擺位，特別是難搞的小朋友，好多guests都對你印像深刻！

Claudia Tang

搵到iMore做我地兩個既Pre Wedding + Big day攝影. 真心覺得好幸運!
Danny & Kay ; 真係我地最鐘意既攝影師 ^v^ 信心之選!

仲記得當初一年多前. 第一次見到Danny 同佢傾Big day既野. 我地兩個聽完即刻好滿意. 好放心將我地既Big day交比iMore Image呢間公司

再之後join埋沖繩之旅. 出發之前開左What's app gp + 上去同Danny傾一次行程. 我地完全冇意見. 冇諗過. 但Danny都好好咁幫我地諗好晒兩日既行程

到之後同Danny&Kay&揸飛一齊去沖繩一邊影相一邊玩. 兩日都覺得真係好開心. 既好玩又專業. 就算幾凍幾辛苦都冇表現過出黎!
記得第一日影相. 直程LUNCH只係去便利店買少少唔飽既野食. 之後再影相. 為既想爭取時間同我地影多D靚相. 真係好感動! 
第二日都係因為我要求先去食飯. 最後仲要車埋我地去機場!

講真. 你地真心對待. 相信每對客人都會感受到! 最起碼 我地收到晒!!

Big day前 ; Danny同我地了解一次. 幫我地計劃埋Rundown. 真係好彩有你幫我地. 原本已經好多野要整. 冇左你. 我地都未必咁順利完成!
每次有問題. 我都第一個會諗起你. 多謝你無論凌晨. 早上搵你. 你都一定會解笞我問題! 真係比左好大信心我地! 因為真係好專業!

Big day當日. 出動星河艦隊幫我地. 幫我地諗點影點拍點玩! 
Kay仲借埋架車比我地做花車. 車左我地幾轉! 又煩少左花車呢part.
Danny&Kay 每次都會哄我開心再影相. 每一part點做點影都會同我地講一次教我地. 仲好sweet咁兩個男人做比我地睇. 真係好好笑!
當日流程好順暢. 仲要影相勁靚!

一晚出到4條片. 直程好多朋友都讚好勁! 多謝你幫我地整成長片段 + 沖繩片 + 早拍晚播片 + 相! 真心 好滿意! 超晒班!!
仲要當晚都未完. 已經可以比番兩段片我地 + 比番6x張執左既相比我地! 會唔會太誇張先Danny哥? haha 不過我地又鐘意wo!!

個個見到D相都話想快D結婚. 話勁靚囉. 話你地好堅. 直程痴線係魔術師!
證明我地真係冇揀錯! 好多謝你地!

最後真心多謝iMore ; 多謝Danny & Kay 同埋Video man & 助手們!
多謝你地一直以來既出手相助! 多謝你地幫我地完成Pre Wedding + Big day呢兩個大Project. 好玩得黎又專業

直到今日為止. 我地都因為搵左你地而覺得超級幸運! 比我地揀幾多次. 都一定係你地! 我會keep住介紹比朋友! 因為你地值得擁有更多好既客人!

Eric Luk

由Pre-wedding到拍短片再到big day當日嘅拍攝，都由你地全程負責，好高興無選擇錯，你地每次出黎嘅作品都比預期好，多得你地嘅專業同執著，同每次拍攝所付出嘅心機，去換取我地珍貴嘅回憶，特別係果條短片，多得你地先可以由一個天馬行空嘅概念，變成令人動容嘅一個影片。
再次多謝你地幫忙，你地嘅專業實在難得！

Tracy Wan

九月中去沖繩影pre wedding, Danny同佢既團隊都好專業。Danny 做足準備，事前同我地規劃好路線同交代好細節，亦同時比好大自由度我地。影既時候岩岩沖繩打風，Danny事前都有比心理準備我地，到左沖繩遇到落大雨都有同團隊一齊隨機應變，化妝師Rex同助手Alan都好專業同體貼。同Danny的團隊一齊真係好似朋友一樣，之後會再搵Danny拍片同影big day！

Chim Chim

Danny . 子龍 ...
好多謝你地帶比我開心感動既回憶
早拍晚播拍的好有感情同歡樂

落雨天陰陰你地都可以順利拍攝
而且效果仲係十分十分之好

超值同用心既服務
一班姊妹同朋友
話結婚指定要搵你地拍

多謝你地留比我
日後都可以感受到既回憶

WAi WAi Cynthia 

一個字"正", 剛剛係泰國的一個地方Pai 影完Pre-wedding, 我個妝都熱到溶啦!!簡直係又熱, 又累, 但見到張總(Danny) 拎住那些影相的器材, 又重, 都冇出過一句聲, 仲教我同男朋友擺pose, 親身示範, 還諗左一d idea 俾我地..佢地真係係好專業啊!!
好期待睇相啊!!
再一次thank you 張總(Danny)^^

Fiona Chu

經朋友介紹先認識Lpicture 子龍， 再介紹左danny [張總] 比我地識
2話不說就join 左沖繩pre-wedding

未去過沖繩既我地 人生路不熟 好彩有張總
幫我地plan 好哂2日影相既行程 等我地唔洗擔心

影相果兩日 超曬超熱 眾crews (Danny, Kay, Dave, Rex...etc)
都冇任何怨言 任曬唔嬲 仲要企定定比蚊餵 
多謝你地敬業樂業的精神 同專業既態度
先影到咁多靚相 有正經既 蝦碌既 有趣既 朝早既 日落既 全部都好靚

再一次感謝呢個studio 入面既所有人 
多謝你地既idea, 心機，汗水， 專業精神，為我地婚禮做左一個好好既開始，添加左唔少色彩
期待bigday 既合作 我可以放200個心 交比你地 
你地繼續加油 祝大展鴻圖 !! 
by Fiona & Kenny

Quinn Li

非常之感謝Danny, K, Roy 與及各團隊成員。
你哋嘅用心我們完全能夠感受到。
就喺某啲經過你哋處理嘅細節，令到每個大同小異嘅婚宴有其特色及亮眼之處。

再一次感謝你哋嘅心機，汗水，為我哋呢對新人嘅大婚之日劃上一個完美句號。

All the best to you all~!

Tsz Wing Wong

非常感謝Danny帶領住專業嘅團隊，除左專業嘅拍攝服務，亦會帶領住整個流程嘅緊湊性，絕無冷場，全靠Danny嘅幽默，團隊嘅耐心及細心。

只能說
神奇，頂級，超卓！

並非常非常感謝你地一日嘅日曬又雨淋。辛苦哂

Jeff Yan

Fantastic Big day shooting 
由我們第一次與iMore 見面開會開始，Danny 俾左好多不同構思建議俾我地。構思最後轉化成畫面活現喺我地既賓客眼前，令到大家都分享到我同我太太喺大日子當日由朝到晚每一個細節既喜悅。在這裏我與Jeff 再次感謝Danny , ken , Jeff 等所有團隊專業，細心及瞓身的落力幫忙，令我地與一眾賓客能分享到開心情景及難忘夜。 by Dorothy & Jeff

Candy Ng

Danny, 多謝您們果日咁落力影相拍片，就算留晒汗，訓落地都出力影影影！仲有最後2條same day 片都非常好呀！非常感謝！等睇相中，嘻嘻！

Louisa Lam

多謝你地由pre-wedding 到big day 都咁細心落力為我地影相拍片，又俾咗好多好提意又幫我地安排有關事項，等我完全唔洗擔心攝影嘅嘢！開開心心無憂無慮咁過big day 。個個都讚d相好靚，早拍晚播又好睇 !! 要俾十萬個心心

Sa Bing Chan

終於有時間去多謝你們！係我朋友渠道認識左imore image嘅團隊，我同老公就已經將結婚相 and Big day 嘅相就交比你地去影，真的好開心！多謝danny,子龍，minne同佢助手（哪天在澳門影婚照真的不生難忘）到了大日子嘅當日要多謝攝影師Edward,Gary,錄片嘅子龍，仲有兩位助手嘅協助，還有抽空來幫忙的Fanny！令到整個婚禮都好完滿，所以由此至終我選擇Imore Image係明智嘅決定！

CARLA JONES

Andy同我最初揀iMore Image做我地既Pre-wedding shooting~因為見到佢地整after effect 既能力係能人所不能~由pre-wedding photo 就見到佢地可以將陰天變晴天~將成個廣場既人變走~簡直覺得佢地係神人~~
以為佢地做big day 唔會咁勁~始終big day 講求既唔係after effect~而係當日既感覺~但原來佢地唔止hardware 勁~~~
由一開始同Danny 傾run down~到當日big day 敬茶既時候由Danny advise 哂成個procedure, 仲講左好多勁正既吉利說話, 令全場氣氛超開心~然後下午突然因為西九龍海濱長廊close 左而要改道1881 影相, 但到最後係Danny 既帶領下, 係1881 影既feel 原來仲正~到夜晚Danny's team 既用心配合, 影到一張張動人既相, Same-day Edit 係Danny 既idea 下完全拍到范范MV 既感覺~~~完全feel 到Danny's team 既用心~
最估唔到既係...佢地竟然比左個surprise 我地~成個team 犧牲左食飯既時間整左個same day slide-show 比我地~將我地whole day 最開心既moment 重溫一次~
Thx IMore~you are the best photography company!!~*